E CHEGOU O NADAL...

 O planeta de Guillareta xa está preparado para acoller a festa do Nadal. 

Así de bonita deixou Guillareta a nosa biblioteca! 🎄🌟🎄

Aí van as nosas recomendacións lectoras para estes días de descanso 😊

E os días 20 e 21 de decembro desfrutamos dos festivais de Nadal. 🎄🎵🎵🌟

Vémonos á volta, no 2018!

VISITA DE MARÍA CORBACHO

María Corbacho presentounos o seu libro Vida Sa! 

Contounos a súa experiencia, como cambiou a súa alimentación e a súa forma de pensar, e ofreceunos consellos sobre nutrición e autoestima.

Firmounos o noso exemplar! 👏👏👏

E contestou a todas as nosas preguntas! 

NOVIDADES

 Xa están aquí! 👀👀👀

Tedes os novos títulos preparados para o empréstito!

Cal vai ser a túa primeira elección? 😊

SEGUIMOS CO PROXECTO

Mirade que creativos son os nenos e nenas de 2º!

Amósannos as súas propostas para o proxecto do universo que están a desenvolver. 

Noraboa!!!👏👏👏

En quinto de educación primaria, tamén sorprendéronnos cos seus murais e maquetas. 🌞🌍🌛🌠

Guillareta felicítaos 👏👏👏 e proponlles que poidan explicalos aos pequenos de primaria. 😉

XORNADAS BIBLIOTECAS ESCOLARES

Este pasado venres 1 e sábado 2 de decembro tiveron lugar en Santiago as Xornadas de Bibliotecas Escolares de Galicia.
As xornadas son sempre un lugar para a aprendizaxe; parte do equipo de biblioteca do planeta Guillareta, estivo alí.
Graciñas á Asesoría de Bibliotecas Escolares e ao CAFI por seguir apostando pola formación.

EDUCAMOS EN IGUALDADE

Con motivo da conmemoración do 25 de novembro, día internacional contra a violencia de xénero, nas aulas voltamos a ler títulos que nos apaixonan sobre o tema da igualdade. 💜

Os nenos e nenas de Educación Infantil fixeron os seus lazos violetas e pintaron as tartarugas Arturo e Clementina. Parabéns polos vosos debuxos! 👏👏👏 

CHARLA DE EDUCACIÓN VIARIA

Pasamos unha mañá estupenda escoitando os consellos sobre educación viaria ofrecidos polos axentes da garda civil e poñendo todo en práctica nun supercircuíto que nos prepararon.

Aquí tedes algúns dos libros que podedes curiosear sobre a educación viaria. 

CHARLA DA CRUZ VERMELLA

Catuxa Lagarón Mallo, enfermera da Cruz Vermella,  visitounos para darnos uns grandes consellos para previr e actuar ante os pequenos accidentes.

Non nos esqueceremos de PAS…, Protexer – Avisar – Socorrer.

Graciñas!!!

No Planeta de Guillareta temos libros que tamén poden axudarnos moito nos primeiros auxilios. 

Achégate e disfruta deles. 

DEREITOS DOS NENOS E NENAS

O día 20 de novembro celébrase a conmemoración dos Dereitos da Infancia, na biblio podes informarte sobre o tema.

COMEZAMOS A INVESTIGAR

Aquí tedes algunha mostra do inicio da investigación… é que somos moi curiosos! 👀🔍

Podes achegarte á biblio... xa temos cousiñas que che axudarán! 

SAMAÍN

Chega o Samaín ao planeta de Guillareta. 🎃👻👻👻

Guillareta tamén quixo disfrazarse para recibir a todo o alumnado partipante no obradoiro que nos propuso: “creación de morcegos”.

Estes son os materiais que precisabamos para os nosos simpáticos morcegos.

Gran éxito de participación! Aquí vos deixo unha mostra.

Na área de lingua inglesa, o alumnado fixo un super cartel para a entrada do cole. 

Parabéns polo voso traballo! 👏👏👏

 Esperámosvos, de novo, moi pronto.