2 DE ABRIL: DÍA DO LIBRO INFANTIL

Ola a todos!!

A nosa biblioteca participou, xunto con moitos coles do municipio, na festividade de TUI LE. Fixemos a nosa letra, o G, para poder formar entre todos os centros o lema

"SEGUIDE LENDO".

Fomo s ao Claustro da Catedral de Tui e os alumnos de Infantil, 1º e 2º curso cantaron a canción do "Pitiño", mentres que o alumnado de 3º e 4º curso bailaron o "Xogo da Carrasquiña".

E ao rematar, fixemos o Intercambio de Libros.

24 de febreiro: DÍA DE ROSALÍA

Con conmemoración desta data tan importante para nós, fixemos diferentes actividades:

- Proxeccións de videos sobre a autora na biblioteca durante toda a semana.

- Pequena exposición sobre a autora e algúns exemplares das súas publicacións.

- Un pequeno grupo de alumnos de 6º curso fixeron unha pequena presentación sobre a autora para o alumnado de 1º ciclo.

Ao rematar, entre todos limos o poema "Parece unha rosa", feito polos alumnos de 1º curso cando estaban en Infantil.

CONTACONTOS: ORELLAS DE BOLBORETA

Xa podedes ver o vídeo do contacontos "ORELLAS DE BOLBORETA", os rapaces de Infantil pasárono en grande. Ao rematar o Contacontos, os máis pequenos debuxaron á protagonista MARA, e aprenderon que todos os nenos e nenas somos diferentes, tanto física como na forma  de ser, de xogar, de rir...

ORELLAS DE BOLBORETA from Guillareta on Vimeo.

CONTACONTOS "ORELLAS DE BOLBORETA"

Ola amigos e amigas, 

este VENRES 21 DE FEBREIRO teremos novamente CONTACONTOS, será unha pequena representación inspirada no conto "Orellas de bolboreta" de Kalandraka.

Con esta representación traballaremos as emocións, desta volta tócalle á
AUTOESTIMA POSITIVA.

E estes rapaces do 6º curso serán os que nos relatarán a fermosa historia:

AXUDANTES DE BIBLIOTECA

Xa temos os equipos de Axudantes de Biblioteca formados:

AXUDANTES DE BIBLIOTECA

Alumnado de 4º curso: Omaira, Carlos, María, Almudena, Hugo, Yolanda, Dayana, Amalia, Safa, Alba, Paula, Marwa e Daniel.

AXUDANTES DE PRÉSTAMO DE XOGOS DA BIBLIOTECA

Alumnado de 5º curso: Fátima, Imane, salma, Laura, Brahim, Raúl, Lara e Cristina.

Moitas grazas pola vosa colaboración

DÍA DA PAZ

Ola de novo, en poucos días imos celebrar o Día Mundial da Paz. 

Dende a biblioteca, reunimos un grupo de contos clásicos que podedes ollar para coñecer os valores que estes libros transmiten.

E para que pasedes un momento lector agradable, aquí tedes

  ARMAS PARA MORRER DE RISA

POR QUE LER?

Benvidos a este ano 2014 que comeza !!! E como propósito novo vouvos dar algunha idea.

A LER COMPAÑEIROS!!!