O Bookflix de Guillareta

Queredes coñecer as novidades da biblioteca?

Cada mes iremos cambiando a nosa carteleira de recomendacións. Organizámolas por ciclos e deixamos un apartado especial para a ciencia, eixe central do proxecto de centro deste curso.

Felices lecturas!!

 

 

Volvemos!!

 

Recomendacións lectoras para o verán

     Aquí vos deixamos as recomendacións en galego, castelán e inglés para este verán. Paseade, xogade, ide á praia, saltade, xogade moitísimo, e lede un pouquiño todos os días!!

     Felices vacacións!!! 🌞🌊🎵🎈🏀📖

Día do Libro 2022

 
Hoxe, 23 de abril, é o Día do Libro. Nós xa o celebramos onte participando no Tui Le, que organiza o Concello de Tui e que recuperou a presencialidade que tantas ganas tiñamos. 

O alumnado de 1º, 2º, 3º e 4º de Educación Primaria, estivo traballando a figura de Eva Mejuto, escritora galega de literatura infantil e xuvenil da que coñecemos moitos contos. 

Ademais de elaborar este fermoso cartel, prepararon unha presentación da autora e dúas cancionciñas de dous dos seus libros: Maruxa (con música de Almudena Janeiro) e Dez gatiñas viaxeiras (unha adaptación da que fixo a nosa amiga Susa Herrera). Aí os tedes en plena actuación, para algúns e algunhas era a primeira vez que se subían a un escenario, e este era ben grande!! Fixérono fenomenal, son uns/unhas verdadeiros/as artistas!!

Ademais da nosa actuación e de ver e escoitar as dous outros colexios e institutos de Tui, e a de Xoán Curiel para rematar o acto, tamén se volveu facer o intercambio de libros como antes.

Foi unha actividade estupenda. Estaban todas e todos emocionadísimos/as!!

 

 

Tamén vos deixamos aquí a decoración da biblioteca para este día tan especial, con estas bolboretas tan fermosas que crearon os cursos de 5º e 6º de Educación Primaria e dous dos lemas escollidos por eles/elas.

 

E aos máis pequechos do cole, posando tamén diante das súas bolboretas cos libros que estaban lendo nese momento
 

 

Feliz Día do Libro a todas e todos!! 

E felices lecturas!! 🎉📚📖🦋

Semana da Prensa 2022

 Para a celebración da semana da prensa, este ano plantexamos unha actividade diferente. Como todos
os anos, o alumnado tivo oportunidade de revisar exemplares de diferentes xornais e comentar e
aprender da prensa escrita. A diferenza consistiu en que á hora de producir, xa que estamos pasando
por unha época na que a meirande parte das novas que aparecen son negativas, non iamos seguir a
actualidade. O alumnado de educación infantil debuxou e titulou as noticias que a elas e eles lles
gustaría que saísen nos xornais, e en primaria redactaron esas novas a partir dos debuxos. Agardamos que vos gusten tanto como a nós 😊😊

Pan de Millo!!  🍞🌽

As compañeiras e os compañeiros de primeiro curso nestas semanas estiveron aprendendo coa súa mestra moitísimas cousas sobre o millo: as súas variedades, as propiedades, os usos, o proceso enteiro dende que se planta ata que o comemos, cómo funcionan os muíños, cómo se fai o pan, cómo facer os flocos de millo.. e, como non podía ser doutro xeito, remataron cantando e bailando. Aquí vos deixamos a proba 🎶

 

 

Empezamos novo curso escolar!!!

O ano 2021 é, segundo a ONU, o Ano Internacional das Froitas e as Verduras. A Guillareta pareceulle un tema moi interesante, e pensou que sería estupendo que no cole de Guillarei traballemos as froitas e as verduras durante este curso 2021-2022 🍅🍆🍇🍈🍉🍊🍋🍌🍍🍏🍐🍑🍒🍓

Para empezar, nestas últimas semanas, e coincidindo co Samaín 🎃 , cada curso inventou un conto de medo 👻 con froitas e hortalizas terroríficas como protagonistas.

Aquí volos deixamos