Semana da Prensa 2023

Do 6 ao 10 de marzo celebramos a Semana da Prensa no cole. Todas as aulas, dende infantil a 6º, redactaron noticias ou anuncios sobre a nosa vida no centro, as actividades que facemos, as que virán, e incluso algunha nova sorprendente.. (ninguén dixo que fosen noticias contrastadas 😜).

O venres, despois do recreo, xuntámonos para escoitalas pola radio. Algúns cursos gravaron as súas noticias e anuncios previamente e alí escoitamos as gravacións, e outros léronas en directo, experimentando os nervios radiofónicos. 

Xa somos expertas e expertos en prensa oral e escrita. Aquí vos deixamos unha mostra..

 

 

Hoxe, 11 de febreiro, é o Día Internacional da Muller e da Nena na Ciencia. Este ano celebrámolo máis que nunca, xa que dentro do noso proxecto de centro estivemos investigando e traballando a figura de varias mulleres científicas: Maria Sibylla Merian, precursora da entomoloxía; Cecilia Payne, astrónoma e astrofísica; e Ángeles Alvariño, oceanógrafa.

Grazas a elas pola súa aportación á ciencia e por abrir camiño ás que viñan detrás.

Seguiremos loitando para que todas as nenas poidan cumplir os seus soños en calquera ámbito, tamén no mundo da ciencia.

Feliz día!!

Recomendacións de Nadal

Este Nadal descansade, pasade tempo coa familia, xogade moito, e se vos presta, aquí vos deixamos unhas ideas de libros que podedes ler.

Boas Festas!!

 

Parada en decembro

O noso tren da ciencia chegou á parada do mes de decembro, onde atopamos a Cecilia Payne. Sabedes quen é? Qué sorte contar coa mestra Vanesa, que nos elaborou este traballiño tan chulo para que empecemos a coñecela. Subide ao tren, que imos chegar ás estrelas!!

 

 

 

 

Novidades para decembro

Temos moitos libros novos, estes son algúns dos que máis nos gustan. Xa os liches?

 

Subide ao tren,

que arrancamos o proxecto coa nosa primeira científica!

Dedicámoslle o mes novembro a Mª Sybilla Merian. Aquí vos deixamos este traballo que fixo a mestra Vanesa para que saibades quen foi e por qué é tan importante a súa contribución á ciencia.

 

Novembro é o mes da ciencia en galego nas bibliotecas.

Estas son as actividades que nos propón a Consellería de Cultura, Educación, Formación Profesional e Universidades, en colaboración coa Secretaría Xeral de Política Lingüística.